Regione Lombardia

Poesia “Rivi de Barlassina” C. Porta

Ultima modifica 5 dicembre 2019

Rivi de Barlassina

Rivi de Barlassina appena adess
dove sont staa dò nocc e tutt on dì,
e de asnitt d’ogni etaa, de tutt i sess,
n’hoo vist on milla, senza cuntamm mì

Eppur per vess tant asen, e per vess
el sò mes de incazziss e de sgarì,
ch’è ‘l, che no è’l, scior mio, resti de gess:
vun che l’è vun, no l’hoo sentii a zittì.

Se no’l fudess che soo coss’hin i asen,
besti goff, incapazz de riflession,
che no sann perché raggen, perché tasen,

podeva fors’anch ess, che  ghe insegnass
a scernì foeura on contrattemp pù bon
de sospend i soeu vers per reposass,
che mì s’eva là a spass

e minga per seccamm i zebedee
de supplì i soeu versori cont i mee.

Sonetto del 12 maggio 1810
                                               Carl Porta